Qytaı kompanııasy Qyrǵyzstanda munaı izdeýmen aınalysady
ASTANA. 9 mamyr. QazAqparat - 2012 jyly qytaı kompanııasy Qyrǵyzstanda munaı izdeý úshin 4-7 burǵylaý jumystaryn júrgizetin bolady.
Bul týraly búgin ótkizilgen baspasóz máslıhatynda qytaıdyń «Chjýnnen» munaı barlaý kompanııasynyń dırektory Tý Sınvan málim etti. Bul týraly BNews.kz habarlaıdy.
Tý Sınvannyń aıtýynsha, kompanııa qazirdiń ózinde 800 sharshy kılometrden astam seısmıkalyq barlaý júrgizip, Qyrǵyzstannyń 65 azamatyn jumysqa ornalastyrǵan.
«2012 jyly biz shtatty budan da keńeıtip, jergilikti turǵyndardan kem degende 600 adamdy jumysqa alýdy josparlap otyrmyz», - deıdi ol.
Ol qazirdiń ózinde eki munara burǵylanǵanyn aıtady.
