Qytaı kompanııalary Ońtústik Qazaqstanda týrızmdi damytpaq
ASTANA. QazAqparat - Ońtústik Qazaqstan oblysynyń ortalyǵy Shymkent qalasynda ótip jatqan «Ontustik Tourism. Invest 2017» týrıstik jáne ınvestıtsııalyq forýmy aıasynda qytaılyq delegatsııa Túrkistan qalasyna bardy. Oblys ákimi Janseıit Túımebaev bastaǵan top áýeli ulttyq ónerdi tamashalady. Sheteldik qonaqtar halyqtyq kásip pen qolóner buıymdaryn tamashalap, qazaq ánderin tyńdady, kóne shahar tarıhymen tanysty, dep habarlaıdy QazAqparat óńir basshysynyń baspasóz qyzmetine silteme jasap.
Aıta keteıik, bıyl Túrkistan qalasy Túrki áleminiń mádenı astanasy atanǵanyn aıtty.
«Túrkistan - qasıetti ári kóne qalalarymyzdyń biri. Er túriktiń altyn besigi bolǵan Túrkistan buryn qandaı mańyzǵa ıe bolsa, búgingi tańda da sondaı. Іrgetasy 15-ǵasyrda qalanǵan kesene halyqaralyq ıÝNESKO uıymynyń tizimine engen. Munda jyl saıyn myńdaǵan týrıs keledi. Aldaǵy ýaqytta birshama jumystar atqaryp, mejeni arttyratyn bolamyz», - dedi Janseıit Qanseıituly.
Odan soń delegatsııa toby Qoja Ahmet ıAsaýı kesenesine at basyn burdy. Ondaǵy kóne jádigerler men qazaq halqynyń tarıhı tulǵalarymen tanysty. Arnaıy topty bastap kelgen QHR-dyń Memlekettik týrızm basqarmasy tóraǵasynyń orynbasary Dý Tszıan Ońtústik Qazaqstan oblysynda týrızmdi damytý úshin áriptestik tanytatynyn jetkizdi.
«Kez kelgen aımaqtyń shyraıyn ashatyn eń áýeli - adamy. Bul turǵyda men Ońtústik Qazaqstan halqynyń qonaqjaılylyǵyna, jyly shyraıly adamdaryna tánti boldym. Bul - týrızmdi damytý úshin asa qajetti faktor. Biz kelisim ornatý úshin elimizdegi árbir aımaqtan týrıstik qaýymdastyqtardy, agenttikterdi alyp keldik. Bolashaqta eki el arasyndaǵy jańa avıabaǵyttardy ashýdy josparlap otyrmyz», - dedi Dý Tszıan.
Halyqaralyq forým aıasynda óńirdiń týrızm salasyn damytý baǵytynda birneshe ekijaqty kelisimder jasalatyn bolady.
