Qytaı Kommýnıstik partııanyń 90 jyldyq mereıtoıyn toılaýda
BEIJІŃ. 1 shilde. QazAqparat /Rýslan Súleımenov/ - Qytaı Halyq Respýblıkasynda bılik júrgizýshi Qytaı Kommýnıstik partııasynyń 90 jyldyq mereıtoıyna oraılastyrylǵan is-sharalar bastaldy.
«Tarıh pen halyq Qytaı Kommýnıstik partııasyn tańdady». Bul týraly búgin Beıjińde ótken saltanatty jıynda Qytaı Halyq Respýblıkasynyń Tóraǵasy Hý Tszıntao málim etti.
«Qytaı Kommýnıstik partııasy, birinshiden, halyqqa arqa súıeı otyryp, jańashyl demokratııalyq revolıýtsııany aıaqtady, ulttyq táýelsizdikke qol jetkizdi, halyqty azat etti. Ekinshiden, sotsıalıstik revolıýtsııany aıaqtady jáne sotsıalıstik júıeniń bazısin qurdy. Úshinshiden, reformalaý saıasatyn júrgizdi jáne ózindik sotsıalızmdi quryp, ony damytyp keledi.
«Osy úsh aıtýly oqıǵa qytaı halqy men qytaı ultynyń taǵdyryn jáne bolashaǵyn ózgertti», - dep atap kórsetti Hý Tszıntao óz sózinde.
Búgin búkil elde merekelik is-sharalar ótip jatyr, kompartııa mereıtoıy - jalpyhalyqtyq mereke. «Sınhýa» agenttiginiń habarlaýynsha, «bul mıllıardtaǵan adamnyń týǵan kúni».
Esterińizge sala keteıik, Qytaı kommýnıstik partııasy Aspanasty eliniń bılik júrgizýshi partııasy. Álemdegi eń úlken partııalyq uıym sanalatyn Qytaı kompartııasynyń 80 mıllıondaı múshesi bar.
