Qytaı kollektsıoneri Tsın áýletinen bastap 2000-nan astam neke kýáligin jınaǵan
ASTANA. QazAqparat - Henan (Ortalyq Qytaı) provıntsııasynyń Kaıfen qalasynyń týmasy 67 jastaǵy Chjan Hýntszıýn 30 jyldan beri qytaılyq neke kýálikterin jınaýmen aınalysady.
Búginde ol túrli kezeńderde tirkeý organdary bergen eki myńnan astam qujat jınaǵan. Onyń ishinde Tsın áýletiniń ımperatorlyq kezeńinen (1644-1911 jj.) qazirgi ýaqytqa deıingi qujattar bar, dep habarlaıdy Sınhýa.
«Jurtshylyq neke kýáligin jaı ǵana juqa qaǵaz, ony jınaýdyń qajeti shamaly dep sanaıdy. Shyndyǵynda bul qujattar ár dáýirdiń mádenı-tarıhı beınesin pash etedi. Sondaı-aq Qytaıdaǵy neke ınstıtýttaryndaǵy ózgeristerdiń ózindik erekshelikterin qamtıdy, - deıdi Chjan Hýntszıýn.
Ol óz kollektsııasynda tsındik Tsıanlýn ımperatory /1736-1795 jj./ basqarǵan kezdegi resmı berilgen neke qujatyn eń ejelgi kýálik sanaıdy.
