Qytaı kınonaryǵy 2025 jylǵa qaraı álemdik kóshbasshy bolady

QYTAI. QazAqparat – COVID-19 pandemııasynan zardap shekken Qytaı kıonaryǵy 2023 jyly qarqyn alyp, 2025 jylǵa qaraı álemdik kóshbasshy bolady, delingen PwC halyqaralyq aýdıtorlyq-konsaltıng fırmasy jarııalaǵan esepte. Bul týraly QazAqparat Sınhýa agenttigine silteme jasap habarlaıdy.

2027 jyly eldegi kınoteatrlardaǵy kassalyq alym 13,2 mıllıard AQSh dollaryna jetýi múmkin.

Bul - álemdik naryqtyń 27 protsentin quraıdy, delingen Global Entertainment and Media Outlook 2023-2027 atty esepte.

Esepte 2027 jylǵa qaraı Qytaıdyń oıyn-saýyq ındýstrııasy men BAQ-tyń jalpy kirisi shamamen 479,9 mıllıard AQSh dollaryna jetetini eseptelgen.

Aldaǵy bes jyldaǵy jıyntyq jyldyq ósim qarqyny 6,1 protsentti quraıdy, bul jahandyq kórsetkishten 3,5 protsentten joǵary.

PwC málimetteri boıynsha, 2027 jylǵa qaraı qytaılyq ınternet-jarnama naryǵynyń kólemi 146,4 mıllıard AQSh dollaryna jetedi, al jyldyq jıyntyq ósim qarqyny 9% quraıdy.

Qytaı qazirdiń ózinde álemdegi eń iri vıdeooıyndar men elektrondy sport naryǵyna aınaldy, dep atap ótti PwC, bul salanyń kirisi 2027 jyly 115,5 mıllıard AQSh dollaryna jetedi.