Qytaı KHDR-dan kelgen jumysshylar sanyn qysqartýda
ASTANA. QazAqparat - Qytaı KHDR-dan kelgen jumysshylar sanyn qysqartýda. Muny Japonııa men AQSh shıki munaıdy jetkizýdi qysqartýmen qatar Phenıanǵa qysym kórsetýdiń barynsha pármendi tásilderiniń biri dep sanaıdy. Sebebi bul shetel valıýtasyn alýdyń negizgi arnalarynyń biri. Bul týraly Nikkei-ge silteme jasap TASS habarlady.
Onyń derekterine sáıkes, 2016 jylǵy naýryzda Qaýipsizdik keńesi KHDR-diń tórtinshi ıadrolyq synaǵyna baılanysty kezekti qarardy qabyldaǵanda, Qytaı bıligi keı kompanııalarǵa jumysqa soltústikkoreılik jumysshylardy almaýǵa nusqaý bergen. Sodan beri mundaı kompanııalar sany birtindep ulǵaıýda. Bul talap ásirese KHDR -men shekaralas Tszılın jáne Lıaonın provıntsııalarynda qatań qoıylyp otyr. Sonymen qatar, gazetterde buǵan baılanysty resmı jazbasha ókimderdiń túspegeni týraly jazyldy. Qytaı BUU QK qararlaryna negizdelmegen birjaqty sanktsııalar engizýge synı kózben qaraıdy.
