Qytaı KHDR-dan ımportty toqtatý týraly sheshim qabyldady

ASTANA.QazAqparat - Qytaı Halyq Respýblıkasy kommertsııa mınıstrliginiń bas keden basqarmasy 14 tamyz kúni habarlandyrý jasap, Soltústik Koreıadan keletin kómir, temir, qorǵasyn sııaqty taǵy basqa ken jáne teńiz ónimderin ımporttaýdy toqtatý týraly sheshim qabyldady.

«BUU Qaýipsizdik Keńesiniń №2371 qaýlysyna sáıkes, QHR 15 tamyzdan bastap KHDR-dan kómir, temir jáne temir rýdasy, qorǵasyn jáne qorǵasyn rýdasy, sý jáne teńiz ónimderin ımporttaýdy toqtatady», - delingen habarlamada.

Buǵan deıin habarlaǵanymyzdaı, BUU-nyń Qaýipsizdik Keńesi Koreı Halyqtyq Demokratııalyq Respýblıkasynyń jańa zymyran ushyrýyna baılanysty sanktsııalardy keńeıtken bolatyn.