Qytaı kedeılerdi basqa jerlerge qonystandyrýǵa 140 mlrd dollar jumsaıdy
ASTANA. QazAqparat - Qytaı, eldiń halqy az aýdandarynan kedeı turǵyndardy basqa jerlerge qonysyn aýdarýǵa 2020 jylǵa deıin 946,3 mlrd ıýan (140 mlrd dollar) ınvestıtsııalaıdy. Bı-Bı-Sı agenttigi QHR Ulttyq damý men reformalar jónindegi komıssııasyna siltemse jasaı otyryp habarlaıdy.
Qarjylandyrýdy memleketke tıesili Qytaı damý banki men Qytaıdyń aýyl sharýashylyǵyn damytý banki iske asyratyn bolady.
Qarajatty úıler men ınfraqurylymdardy salýǵa jumsaý josparlanyp otyr. Aqshanyń jartysy bosatylǵan jerlerdi abattandyrýǵa baǵyttalady. Jappaı qonys aýdarý - bul 2020 jylǵa deıin eldegi 10 mln turmysy tómen turǵyndardyń ómir súrý deńgeıin arttyrýǵa baǵyttalǵan memlekettik baǵdarlamanyń bir bóligi. Bıyldyń ózinde-aq shalǵaıdaǵy aýdandardan 2 mln adam QHR-dyń anaǵurlym jaqsy eldimekenderine kóship kelgen.
