Qytaı kedeı elderdiń qaryzyn keshiretin boldy

ASTANA. QazAqparat - Qytaı Halyq Respýblıkasynyń tóraǵasy Sı Tszınpın BUU Bas Assambleıasynda sóılegen sózinde kólemi 2 mlrd. dollardy quraıtyn damýshy elderge kómek kórsetýge arnalǵan qor quryp, sondaı-aq olarǵa salynatyn tikeleı ınvestıtsııalardy aıtarlyqtaı ósirýge ýáde etti.

Onyń aıtýynsha, bul ınvestıtsııalardyń kólemi jaqyn 15 jylda 12 mlrd. dollarǵa jetýi múmkin. BUU-nyń damý maqsattaryn iske asyrý sammıtinde sóz sóılegen QHR-dyń basshysy bireýdiń múddesinen góri ádildikti joǵary orynǵa qoıatynyn aıtty.

Qytaı kóshbasshysy birqatar eń kedeı shaǵyn araldyq memleketterdiń qaryzdaryn keshiretinin aıtyp, ýáde berdi, alaıda qandaı memleketter týraly aıtylyp otyrǵanyn aıtqan joq jáne qaryzdyń qandaı kólemi joıylatynyn ataǵan joq, dep jazady Bı-bı-sı.