Qytaı kedeninde jóneltiletin aǵash arasynan uzyndyǵy 4 metrden asatyn kobra tabyldy

NANKING. Sınhýa – QazAqparat - Qytaıdyń shyǵysynda Tszıansý provıntsııasynyń kedenshileri ımporttyq aǵash jóneltiliminiń arasynan uzyndyǵy 4 metr, jýandyǵy eresek adamnyń qolyndaı iri «koroldik» kobra tárkiledi. Bul týraly QazAqparat Sınhýa agenttigine silteme jasap habarlaıdy.

Koroldik kobralar - álemdegi eń úlken jáne eń ýly jylandar. Olar negizinen Ońtústik-Shyǵys jáne Ońtústik Azııada kezdesedi. Jylannyń bul túri el aýmaǵyna ense, adam ómiri men ekojúıesine qaýip tóndirýi múmkin.

Kobranyń shaqqany óte qaýipti, tipti ólimmen aıaqtalýy múmkin. Adam dem ala almaı qalady, al 15 mınýttyń ishinde alǵashqy kómek kórsetilmese, ólip ketýi múmkin.

Qazirgi ýaqytta Chjantszıagan kedeni tıisti organdarǵa habarlasyp, odan ári shara qoldaný jóninde nusqaý kútýde.