Qytaı kedeni arqyly taýarlar jyldam ótkiziletin bolady
ASTANA. QazAqparat - Qytaıda keden arqyly ótetin taýarlardyń ótkizý ýaqytyn qysqartý josparlanýda, dep habarlaıdy RIA Novostı Sınhýa agenttigine silteme jasap.
QHR kedendik basqarmasynyń málimetterine súıensek, qytaılyq keden taýarlardyń kedennen ótýin kútý ýaqytyn 30% azaıtý arqyly qyzmet kórsetý deńgeıin kóterýge nıetti. Qytaı kedeniniń basshysy ıÝı Gýanchjoýdyń málimdeýinshe, QHR kedendik basqarmasy tıisti qurylymdarmen birlesip, kedendik tazartý ýaqytyn qysqartýǵa baǵyttalǵan is-sharalar keshenin ázirledi. 2017 jylǵa josparlanǵan naqty sharalar arasynan ol kedendegi avtomattandyrýdy arttyrý jáne adamı resýrsty ońtaılandyrý josparyn atap ótti. 2015 jyldyń shilde aıynan búginge deıin kedennen taýar ótkizý ýaqyty eksportta 2,7 saǵattan 1,84 saǵatqa, al ımportta 29,3 saǵattan 25,4 saǵatqa deıin qysqarǵan.
