Qytaı qazaqtary terimen qaptalǵan shańǵymen jarysty

ASTANA. QazAqparat - Qytaıdaǵy Shyńjań-Uıǵyr avtonomııalyq ólkesiniń Altaı aýdanyn «shańǵy otany» dep te ataıdy. Munda 12 myń jyl buryn tasqa qashalǵan shańǵy tepken adamdar beınelengen sýretter tabylǵan. Jergilikti turǵyndar paıdalanatyn teri shańǵylar eń ejelgi shańǵy túrleriniń biri sanalady, dep jazady Sınhýa agenttigi.

Shyńjańnyń qazaqtary men mońǵoldary teriden jasalǵan shańǵymen jarysady.

 

Kóp ǵasyr buryn teri shańǵylar ańshylar men sharýalardyń negizgi kóligi bolǵan. Shańǵynyń ózegin qaraǵaı aǵashynan jasap, syrtyn jylqy sıraǵynyń terisimen qaptaıdy. Ekpin alý úshin bir taıaqty qoldanǵan.

 

Qazirgi kezde shalǵaı taýlardaǵy qysqy jaıylymdarda teriden jasalǵan shańǵylar áli kúnge baqtashylardyń negizgi kóligi mindetin atqaryp keledi. Altaı ólkesinde jyl saıyn qysta kóptegen arnaıy jarystar, sonyń ishinde teri shańǵylardyń jarysy da uıymdastyrylady.