Qytaı qazaqtary latyn álipbıiniń jańa nusqasyn tarıhı oqıǵa dedi

BEIJІŃ. QazAqparat - Qytaıdaǵy qazaq dıasporalarynyń ókilderi Qazaqstan Prezıdentiniń latyn grafıkasyndaǵy álipbıdiń jańa nusqasyn qabyldaǵanyn joǵary baǵalaýda. Bul týraly tanymal jazýshy, Qytaı Halyqtyq saıası konsýltatıvtik keńesiniń múshesi Ákbar Májıt «QazAqparat» HAA menshikti tilshisine bergen suhbatynda aıtty.

«Bul jaqsy jańalyq. Kún saıyn ózgerip otyratyn álemde Qazaqstandy tsıfrlandyrý jáne rýhanı jańǵyrtýmen qatar, jańa álipbıdiń qabyldanýy óte mańyzdy bolmaq. Muny tarıhı oqıǵaǵa teńeýge bolady. Latyn grafıkasyna ótý men jańa álipbıdiń tańdalý protsesinde qoǵamdyq pikirdiń esepke alynýy qýantady», - dedi ol QazAqparatqa bergen suhbatynda.

Onyń aıtýynsha, latyn qarpindegi jańartylǵan álipbı Qytaıdaǵy qazaqtar úshin de yńǵaıly.

«Biz latyn qarpin burynnan qoldanamyz. 1962-1982 jyldary qazaq tiliniń dybysyn jetkizý úshin latyn translıteratsııasyn jasaǵanbyz. Sondyqtan QHR-daǵy qazaq aǵa býyn ókilderi úshin de latyn grafıkasyn qabyldaý qıynǵa soqpaıdy. Qazirgi tańda Qytaıdaǵy qazaqtar, ásirese jastar latyn qarpin qoldana otyryp, bir-birimen hat almasýda», - dep atap ótti Á.Májit.