Qytaı Qazaqstannan jylqyny kóptep satyp almaqshy
«Veterınarııa salasynda 25 mamyrda Qazaqstan qalǵan 5 oblys (ShQO, OQO, Almaty, Jambyl, Qyzylorda oblystary) úshin aýsyldan taza aımaq mártebesin aldy. Bul sheshim úshin Halyqaralyq epızootııalyq bıýroǵa múshe 180 elden delegattar daýys berdi. Bul janýarlar men ósimdikterden alynatyn ónimder eksportyn ulǵaıtýǵa jaqsy múmkindik beredi. Qytaı naryǵy qazaqstandyq balyq pen balyq ónimderi, jylqy tuqymdas asyl tuqymdy janýarlar, sondaı-aq bal jáne bal ara sharýashylyǵy ónimi úshin ashyq. Maýsym aıynda Muzdatylǵan qoı eti boıynsha hattamaǵa qol qoıý josparlanýda, atalǵan elge taýarly jylqylardy da tasymaldaý sharttary kelisilýde», - dep toqtaldy Aıtýǵanov.
Onyń sózine qaraǵanda, Iranǵa tońazytylǵan qoı eti men tiri qoılardy eksporttaýǵa veterınarııalyq sertıfıkattardyń jobalary kelisildi jáne muzdatylǵan qoı eti boıynsha jumys júrgizilýde. Birikken Arab Ámirlikterine iri jáne usaq qara maldy, taýyq jumyrtqasyn tasymaldaýǵa veterınarııalyq sertıfıkattarǵa qol qoıyldy.
«Budan basqa, Izraıl jáne Saýd Arabııasynyń veterınarııalyq qyzmetterimen janýarlardan alynatyn qazaqstandyq ónimniń eksportyn ashý boıynsha jumys júrgizilýde», - dedi birinshi vıtse-mınıstr.
Budan buryn habarlanǵandaı, mamyr aıynda Qazaqstan aýsyldan taza aımaq retinde moıyndalǵan bolatyn.