Qytaı qazaqstandyq bıznesmender úshin elektrondy kommertsııa kýrstaryn uıymdastyrady
BEIJІŃ. QazAqparat - 2017 jylǵy 10 qazanda Qazaqstan Respýblıkasynyń QHR-daǵy elshisi Shahrat Nuryshev Sıan halyqaralyq qurǵaq portynyń basshysy - partııa komıteti hatshysynyń orynbasary Lı Pınveımen kezdesti, dep habarlaıdy «QazAqparat» HAA-nyń Qytaıdaǵy menshikti tilshisi.
Kezdesýde taraptar Qazaqstan Respýblıkasy Premer-mınıstri Baqytjan Saǵyntaevtyń 2016 jyldyń shildesinde Qytaıdyń Shensı provıntsııasyna jasaǵan saparynda qol qoıylǵan kelisimderdi júzege asyrý máselelerin talqylady.
Qazaqstannyń «Nurly jol» jańa ekonomıkalyq saıasaty jáne Qytaı jaǵy bastamashyl bolǵan «Bir beldeý, bir jol» jobasy aıasynda taraptar Qazaqstan shaǵyn jáne orta bıznes ókilderi úshin elektrondy kommertsııa kýrstaryn uıymdastyrý týraly kelisimge keldi.
Joba QHR Kommertsııa mınıstrliginiń, Shensı provıntsııasy halyq úkimetiniń, Sıan halyqaralyq qurǵaq portynyń, sondaı-aq óńirdegi aldyńǵy qatarly joǵary oqý oryndarynyń qoldaýymen júzege asyrylady.
Qazaqstandyq kásipkerlerge transshekaralyq elektrondyq kommertsııa, elektrondyq saýda, elektrondy kommertsııa salasyndaǵy zańdylyqty túsindirý, qarjy qyzmetteri, eki eldiń shaǵyn jáne orta bıznes ókilderiniń arasynda baılanystar ornatý, porttyń ónerkásip kásiporyndarynyń qyzmetimen tanysý sııaqty máseleler boıynsha oqý platformasy usynylady.
