Qytaı qazaqstandyq astyqty syrtqa shyǵarýdyń perspektıvalyq naryǵy bolýda - AShM
ASTANA. 29 tamyz. QazAqparat - Qazaqstandyq astyqty syrtqa satýdyń perspektıvalyq naryǵynyń biri Qytaı Halyq Respýblıkasy bolyp otyr,
dep habarlady pm.kz saıtyna QR Aýyl sharýashylǵy mınıstrliginiń baspasóz qyzmeti.
«Qazaqstandyq astyqty eksporttaýdyń perspektıvalyq baǵyty Qytaı jáne onyń aýmaǵy arqyly Ońtústik-Shyǵys Azııa elderiniń naryǵy bolyp otyr», - delingen vedomstvo habarlamasynda.
Sondaı-aq, otandyq astyqty satýdyń perspektıvalyq naryqtar qatarynda Soltústik Afrıka men Parsy shyǵanaǵy da atalýda.
QR Aýyl sharýashylyǵy mınıstrligi atap ótkendeı, ádette qazaqstandyq astyqty ımportqa alatyn Orta Azııa, Zakavkaz, Iran jáne Aýǵanstan elderi naryǵynyń 6,5-7 mln tonnany quraıtyn syıymdylyǵy Qazaqstannyń eksporttyq áleýetin tolyǵymen júzege asyrýdy qamtamasyz ete almaıdy.
Atap ótý qajet, 2012-2013 marketıngtik jyly shamamen 12 mln tonna astyqty eksporttaý josparlanyp otyr, onyń ishinde 9 mln astyq jáne 2,1 mln tonna un bar.
