Qytaı Qazaqstanda jerasty jáne jerústi relsti kólikter qurylysyna qyzyǵýshylyq tanytty
BEIJІŃ. QazAqparat - Qazaqstannyń Qytaıdaǵy Elshisi Shahrat Nuryshev «China Railway Group Limited» kompanııasynyń vıtse-prezıdenti Ma Lımen Qazaqstan aýmaǵyndaǵy ınfraqurylym jobalaryn iske asyrýdaǵy seriktestik perspektıvasyn talqylady, dep habarlaıdy Qytaıdaǵy «QazAqparat» HAA menshikti tilshisi.
Ma Lı Qytaıdaǵy, sondaı-aq Ońtústik Shyǵys jáne Ortalyq Azııa (Ózbekstan jáne Tájikstan), Latyn Amerıkasy jáne Afrıka elderinde júzege asyrylǵan jobalar jaıly jan-jaqty habardar etti.
Sh.Nýryshev Astana men Almaty qalalarynda halyq sanynyń kóbeıgendigin, iri megapolısterdegi kólik júıesin damytýdaǵy qytaılyq tájirıbeniń Qazaqstan úshin de mańyzdy ekendigin atap ótti.
Osy baǵytta Astanada jeńil relsti kólik qurylysy máseleleri jóninde keńinen pikir almasyldy (LRT).
Ma Lı odan ári Qazaqstanmen ınjenerlik-arhıtektýralyq jáne temirjol qurylysyn júrgizýge, sondaı-aq qalalyq jerasty jáne jerústi relsti kólik júıesin qurýǵa qyzyǵýshylyq tanytty.
Eske sala ketsek, «China Railway Group Limited» kompanııasy Astanada jeńil relsti kólik qurylysyna qatysyp jatqan kompanııalar (LRT) kontsortsıýmyna kiredi. 2016 jyldyń qorytyndysy boıynsha kompanııa álemdik TOP-500 kompanııalar reıtınginde 57 orynda jáne qytaılyq TOP-500 kompanııalar reıtınginde 7-orynda.
Korporatsııanyń jıyntyq aktıvi 2015 jyly 110 mıllıard dollardy qurady.
