Qytaı Qazaqstanda ıadrolyq otyn óndiretin zaýyt salýǵa daıyn

BEIJІŃ. QazAqparat - Qytaı Qazaqstanda ıadrolyq otyn óndiretin zaýyt salýǵa ázir. Bul týraly QHR astanasynda ótken energetıka salasyndaǵy yntymaqtastyq máselesine arnalǵan 8-shi Qazaqstan-Qytaı keńesinde Qytaıdyń Ulttyq ıadrolyq korporatsııasynyń dırektory (CNNC) Tsao Shýdýn habarlady.

Onyń aıtýynsha, ıadrolyq tehnologııalar eksporty - Qytaıdyń memlekettik startegııasy. «Biz óz ónimderimizdi Pákistan, Argentına syndy elderge eksporttaýǵa yntalymyz», - dedi ol.

Tsao Shýdýnnyń aıtýynsha, CNNC 2000 jyldardan beri ýran resýrsyn óndirýde «Qazatomprommen» yntymaqtastyqty kezeń-kezeńimen nyǵaıtyp keledi.

Sondaı-aq ol Qazaqstannyń tabıǵı ýranyn Qytaıǵa eksporttaý boıynsha nátıjeli jumystar atqarylǵanyn aıtty. Taraptar 10 jyl ishinde atalǵan shıkizat ónimin tasymaldaý týraly kelisimge qol qoıǵan.