Qytaı -Qazaqstan-Túrikmenstan-Iran baǵdarynda temirjol tasymaly artady

ASTANA. QazAqparat - «QTJ» UK» AQ-da Qazaqstan, Qytaı, Iran, Túrikmenstan temirjol ákimshilikteri ókilderiniń tórt jaqty kezdesýi ótkizildi, dep habarlaıdy  «Qazaqstan temir joly» UK» AQ baspasóz qyzmeti. 

Kezdesý barysynda Qytaı-Qazaqstan- Túrikmenstan- Iran (QQTI) baǵdarynda júk tasymalyn básekege qabiletti etý máselesi talqylandy.

Kezdesýge qatysýshylar QQTI halyqaralyq tranzıttik dáliz áleýetiniń múmkindigin qarastyra kelip, atalmysh baǵdarda turaqty konteınerlik tasymaldy turaqty uıymdastyrý máselesin  talqylandy.

 «QTJ» UK» AQ Logıstıka jónindegi vıtse-prezıdenti S. Elýbaev konteınerlik qyzmetti júrgizýge qolaıly jaǵdaı jasaý, turaqty konteıner aǵymyn uıymdastyrý, júk bazasynyń tapsyrys berýshileriniń jumysyn uıymdastyrý, QQTI baǵdary aýmaǵynda bekitilgen tarıftik mólsherleme qoldaný jaıy týraly áńgimeledi.

Taraptar QQTI konteınerlik poıyzdardy uıymdastyrýdyń jaýapty operatorlaryn belgiledi. Tórtjaqty kezdesý qorytyndysy boıynsha tıisti Hattamaǵa qol qoıyldy.

Astanaǵa kelgen qonaqtar kóliktik-logıstıkalyq ortalyq, «Nurly jol» temirjol vokzal kesheni qyzmetimen tanysty.