Qytaı-Qazaqstan shekarasynyń aýmaǵynda kúshi 4 balldyq jer silkinisi boldy

Bul týraly QR Ulttyq ıadrolyq ortalyǵy Geofızıkalyq zertteý ınstıtýtynyń seısmıkalyq aqparattardy jınaqtaý jáne óńdeý ortalyǵynan habarlady.  

Ortalyqtyń málimetterine sáıkes, jerasty dúmpýleri búgin, Astana ýaqytymen 09 saǵat 11 mınýtta Qazaqstan shekarasyna jaqyn mańda tirkeldi.

Zilzala kindigi soltústik endiktiń 43,74 gradýsynda, shyǵys boılyqtyń 82,56 gradýsynda anyqtaldy. Tereńdigi - 7 shaqyrym.

Al Eýropalyq seısmologııalyq ortalyqtyń málimetteri boıynsha, jerasty dúmpýleriniń magnıtýdasy 4,1-ge teń boldy. Jer silkinisiniń kindigi Almaty oblysynyń Jarkent qalasynan 212 shaqyrym jerde ornalasty.