Qytaı-qazaq shekarasynda orman órti boldy, zardap shekkender joq
BEIJІŃ. 18 mamyr. QazAqparat /Rýslan Súleımenov/ - Seısenbi, 17 mamyr kúni, jergilikti ýaqyt boıynsha saǵat 16-da qytaı-qazaq shekarasyndaǵy Shyńjań-Uıǵyr avtonomııalyq aýdanynda aıaq astynan orman órtene bastady,
dep habarlaıdy «Sınhýa» agentttigi.
5 saǵat ótken soń qutqarýshylar tilsiz jaýdy aýyzdyqtady, jalyn sharpyǵan aýmaq 2 gektardy qurady. Zardap shekkender joq.
QHR Shyńjań-Uıǵyr avtonomııalyq aýdany Іle-Qazaq avtonomdy okrýgy órtke qarsy bólimsheleriniń ókilderi aıtyp ótkendeı, órt Qazaqstan aýmaǵynda bastalǵan, jel kúshi jáne sol jerdiń bederine baılanysty jalyn qytaı aýmaǵyna tez ótip ketti. Órtti sóndirý úshin «Qorǵas» baqylaý-ótkizý beketi, Hochen jáne Inın qalalary órtke qarsy qyzmetiniń jeke quramdary jedel túrde jumyldyryldy.
