Qytaı qazaǵy Toqtarbek Tańathan álem chempıonatynyń fınalyna shyqty

ASTANA. QazAqparat - Tashkentte erler arasynda ótip jatqan bokstan álem chempıonatynda Qytaı qazaǵy Toqtarbek Tańathan fınalǵa shyqty, dep habarlaıdy QazAqparat tilshisi.

Toqtarbek Tańathan 80 kelige deıingi salmaqta ıspanııalyq, túbi reseılik Gazımagomed Djalıdovke qarsy keldi.

Tartysty ótken básekede qytaılyq boksshy tóreshilerdiń basym daýsymen jeńiske jetti.

Eske sala keteıik, búgin Qazaqstan quramasynan Sanjar Táshkenbaı, Mahmud Sabyrhan, Dýlat Bekbaýov jáne ulttyq qurama kapıtany Aslanbek Shymbergenovtiń álem chempıonatynyń fınalyna ótkenin, osylaısha altynǵa talasatynyn jazǵan bolatynbyz.