Qytaı qarý-jaraq eksporty boıynsha alǵashqy bestikke endi
ASTANA. 19 naýryz. QazAqparat - Qytaı sońǵy jyldary qarý-jaraq eksportynyń kólemin qarqyndy túrde arttyrýdyń arqasynda álemdegi qarý eksporttaýshy elderdiń alǵashqys bestigine enip otyr,
dep habarlaıdy rbc.ru.
Besinshi satyǵa kóterile otyryp, Qytaı Ulybrıtanııadaǵy básekelesterin yǵystyrdy. QHR-dyń aldynda qazirgi kezde AQSh (jahandyq naryqtyń 30 paıyz úlesi) pen Reseı (26 paıyzy), sondaı-aq Germanııa (7 paıyz) men Frantsııa (6 paıyz) bar.
Álem problemalaryn zertteýdiń Stokgolm ınstıtýty sarapshylarynyń esepteýleri boıynsha, 2008-2012 jyldar aralyǵynda Qytaıda qarý eksporty 162 paıyzǵa artqan eken. Al jahandyq úleste 2-den 5 paıyzǵa deıin kóterilip otyr. Atap aıtqanda, bul jaǵdaı biregeı bolyp sanalady, sebebi sońǵy 50 jylda qarýdy eksporttaýshy aldyńǵy bestiktiktiń quramy ózgermegen kórinedi. Ǵalymdardyń derekterine qaraǵanda, bolashaqta qarý saýdasynyń alyptary ózderiniń naryqtaryn joǵaltyp alýy yqtımal. International Studies Quarterly jýrnalynda jaryq kórgen Oslo ǵalymdarynyń boljamynda 2050 jylǵa qaraı álemde qarýly iri qaqtyǵystar sany eki esege qysqaratyny jazylǵan. Buǵan birinshi kezekte joǵary bilimniń keńinen taraýy, bala óliminiń tómendeýi men halyq sany ósiminiń baıaýlaýy yqpal etpek.
