Qytaı karantın talaptaryn kúsheıtken elderge qatysty úndeý jarııalady

BEIJІŃ. SINЬHÝA. QazAqparat – Qytaıdyń Syrtqy ister mınıstrliginiń málimdeýinshe, elder qabyldap jatqan koronavırýspen kúres sharalary ǵylymı negizdelgen jáne úılesimdi bolýy tıis. Sondaı-aq, adamdardyń júrip-turýy elder arasyndaǵy yntymaqtastyqqa áser etpeýi kerek, dep habarlaıdy QazAqparat «Sınhýa» aqparat agenttigine silteme jasap.

Atalǵan úndeý týraly QHR Syrtqy ister mınıstrliginiń resmı ókili Mao Nın málim etti.

Resmı ókil baspasóz máslıhatynda pandemııa bastalǵaly Qytaı COVID-19-ben kúreske baǵyttalǵan halyqaralyq baılanystar men almasýlarǵa belsendi qatysyp kele jatqanyn aıtty.

Aıtýynsha, koronavırýspen kúres jolynda Qytaı halyqaralyq qaýymdastyqtarmen onyń ishinde Dúnıejúzilik densaýlyq saqtaý uıymymen yntymaqtastyq artty.

Mao Nın eldegi epıdemıologııalyq jaǵdaı men qabyldanyp jatqan sharalar týraly aıta kele, koronavırýsqa qatysty aqparat ýaqtyly, ashyq ári zańǵa saı taratylyp jatqanyn málimedi.

«Biz tumaý týraly (GISAID) jahandyq derekter almasý bastamasy aıasynda Qytaıdaǵy COVID-19 ınfektsııasynyń taralýynyń sońǵy jaǵdaıy boıynsha vırýstyq genom derekterin jarııaladyq», - dedi Mao Nın.

Sondaı-aq, syrtqy ister mınıstrliginiń resmı ókili birneshe kún buryn Qytaıdyń quzyretti organdary Dúnıejúzilik densaýlyq saqtaý mamandarymen beıne- konferentsııa ótkizgenin aıtty. Eki tarap qazirgi COVID-19 jaǵdaıy, medıtsınalyq emdeý, vaktsınatsııa jáne basqa da tehnıkalyq máseleler boıynsha pikir almasty. Olar tehnıkalyq almasýdy jalǵastyrýǵa jáne jahandyq pandemııany tezirek jeńýde bar kúshin salýǵa kelisti.

Kóptegen eldiń densaýlyq saqtaý mamandary qazir Qytaıda taralyp jatqan COVID-19 shtamdary buryn basqa jerlerde tabylǵanyn jáne planetanyń kez kelgen jerinde jańa nusqa paıda bolýy múmkin ekenin aıtty. Sondyqtan qytaılyqtar men atalǵan elden kelgen azamattardyń kirýine arnaıy shekteý engizýdiń qajeti joq.

Mao Nınniń aıtýynsha, Qytaı barlyq elde indetke qarsy sharalar ǵylymı negizdelgen jáne úılesimdi bolýy kerek dep sanaıdy. Saıası aıla-sharǵy jasaý nemese kemsitý bolmaýy tıis. Sonymen qatar adamdar qatynasy men aralasýy yntymaqtastyǵyna áser etpeýi kerek.

Eske salsaq, Qytaıda koronavırýsqa qarsy shekteýlerdi azaıtqannan keıin aýrý juqtyrǵandar sany ósip ketken tusta birqatar memleket aspanasty elinen keletin jolaýshylarǵa jańa talaptar qoıǵan edi.

Buǵan deıin habarlaǵymyzdaı, Qytaı aýrýhanalary indet juqtyrǵandar aǵynyna tótep bere almaı jatyr.

Foto: news.cn