Qytaı Kambodja men Taılandy jaǵdaıdy ýshyqtyrmaýǵa shaqyrdy
BEIJІŃ. 8 aqpan. QazAqparat /Rýslan Súleımenov/ - Qytaı tarapy Kambodja men Taılandy jaǵdaıdy ýshyqtyrmaýǵa shaqyrdy, jaǵdaıdyń ári qaraı kúrdelenýine jol bermeý,
janjaldy konsýltatsııa jolymen sheshý úshin eki eldiń sabyrlyq saqtaıtyndyǵynda úmit bildirdi. Kambodja men Taıland - Qytaımen dostas kórshi elder.
Bul týraly 7 aqpanda Beıjińde ótken baspasóz máslıhatynda eldiń syrtqy saıasat vedomstvosynyń resmı ókili Hýn Leı málim etti.
Esterińizge sala keteıik, 4 aqpannan beri kambodja jáne taıland áskerleriniń arasynda birneshe qarýly qaqtyǵys oryn aldy. Oǵan eki eldiń shekarasynda ornalasqan Preah Vıhear hramynyń tóńiregindegi talas sebep bolyp otyr. Kambojda tarapynyń aıtýynsha, qandy qyrǵyndy tehnıkanyń kómegimen qorshaýdy buzyp, Kambojda aýmaǵyna basyp kirgen taı áskerıleri arandatqan. Sodan keıin Kambodja armııasy oq ashýǵa májbúr bolǵan.
2008 jyly ıÝNESKO Preah Vıhear hramyn kambodjalyq nysan retinde Mádenı muralardyń álemdik tizimine engizý týraly Pnompenniń ótinishin qanaǵattandyrǵan bolady. Atalmysh hramǵa talasy bar Bangkok bul sheshimge kelispeıtinin málim etken edi.
