Qytaı qalasy rýbldi resmı túrde ishki valıýta retinde engizdi
ASTANA. 9 jeltoqsan. QazAqparat - Reseı rýbli Qytaıdyń shekarasynda ornalasqan Sýıfenhe qalasynyń resmı valıýtalarynyń birine aınaldy. Budan bylaı onda Reseı aqshasyna kez kelgen taýar men qyzmet túrin satyp alýǵa ruqsat.
Bul týraly qytaıdyń aqparattyq «Sınhýa» agenttigine silteme jasaı otyryp Lenta.ru habarlady.
Sýıfenhe rýbl men ıýandy teń túrde qoldanatyn Qytaıdyń birinshi qalasy boldy. Atap óteıik, Sýıfenheni «orys-qytaı saýdasynyń astanasy» dep ataıdy.
Qalada ekijaqty taýar aınalymy aýqymdy kólemde júzege asyrylady, al mynaý jańa ózgeris saýda operatsııalaryn jeńildetedi. Qala Qytaıdyń soltústik-shyǵysynda Premore aımaǵymen shekaralas ornalasqan. Onyń halqy - shamamen 600 myń adam.
Bul qalaǵa Reseıden saýda júrgizý úshin týrıster kóptep keledi. Taǵy bir atap ótetini, Sýıfenhede pravoslavtyq shirkeý bar jáne jergilikti telearnalar belgili bir ýaqyttarda orys tilinde habar taratady.
