Qytaı qalalarynda japondarǵa qarsy búlikter tolqyny ótti
BEIJІŃ. 20 tamyz. QazAqparat - Ótken jeksenbi, 19 tamyz kúni Qytaıdyń segiz qalasynda qytaılyq-japondyq qarym-qatynastar shıelenisip, Shyǵys Qytaı teńizindegi daýly aýmaqtar úshin japonııalyqtarǵa qarsy sherýler ótti.
Shenchjende shamamen jıyrma myń adam qatysqan jappaı narazylyq aktsııasy ótti. Sherýshiler japondyq meıramhanalardy búldirip, japondyq kólikterdi aýdar tastady. Qytaıdyń basqa qalalaryndaǵy sherýler buǵan qaraǵanda beıbit túrde ótti. Beıjińdegi japon elshiligi men konsýldyǵynyń kúzeti kúsheıtildi.
Qytaılyq BAQ-tyń habarlamasy boıynsha, Gýandjoý qalasynda 500-ge jýyq sherýshi Japonııanyń Bas konsýldyǵy ǵımaratynyń qasynda jınalyp, munda japon týyn órtep jiberdi, japon úkimetinen keshirim suraýdy talap etti.
Qytaıdaǵy narazylyq sharalarynyń sebebi jeksenbi, 19 tamyz kúni tańerteń on japondyq belsendiniń Dıaoıýıdao (japondyq ataýy - Senkaký) daýly arhıpelagyna keip túsýi boldy. Parlamentarshilerdi qosqanda Dıaoıýıdao araldarynyń qasyndaǵy akvatorııaǵa 150 japondyq azamat jınaldy.
QHR SІM-niń resmı ókili Tsın Gann Japonııanyń quqyqtyq belsendileriniń zańsyz áreketteri Qytaıdyń aýmaqtyq egemendigin buzǵanyn atap ótti. «Japondyq tarap jalpy alǵanda qytaılyq-japondyq qarym-qatynastarǵa zııae keltirmeýi úshin tıisinshe retteýi tıis», - dep málimdedi qytaılyq dıplomat.
Jeksenbide japondyq Elshi Qytaıdyń bılik kózderin onyń otandastarynyń qaýipsizdigin qamtamasyz etýge shaqyrdy.
