Qytaı iri zymyran-tasyǵysh ushyrdy
ASTANA. QazAqparat - Qytaıda alǵash ret zamanýı «Uly joryq-5» («Chanchjen-5») iri zymyran-tasyǵysh ushyryldy, dep habarlaıdy Lenta.rý.
Málm bolǵandaı, zymyran 2016 jyldyń qyrkúıek aıynda Haınan provıntsııasyndaǵy Venchan aılaǵyna jetkizilgen. Ony qurastyrýǵa 200-den astam jańa tehnologııa qoldanylǵan. Ulttyq qorǵanysqa arnalǵan QHR ǵylym, tehnologııalar jáne ónerkásip Memlekettik ákimshiligi (SASTIND) zymyran-tasyǵyshtyń ekologııalyq taza otynmen júretinin jáne joǵary turaqty basqarý júıesine ıe ekenin habarlady. Qytaı aeroǵarysh ǵylymy jáne tehnıkasy korporatsııasynyń (CASC) qyzmetkeri Chjao Chantszıanniń aıtýynsha, otyn retinde suıyq sýtegi jáne suıyq ottegi qoldanylǵan. «Eger ushyrý sátti júzege assa, Qytaı ekologııalyq taza zymyrandar dáýirine enedi», - dedi ol.
«Uly joryq-5» jańa zamandaǵy Qytaıdyń eń kúshti zymyran-tasyǵyshy bolyp sanalady. 2020 jyly ǵalymdar zymyran kómegimen Jer jáne Marstyń ótpeli orbıtasyna zond shyǵarýdy kózdep otyr.
