Qytaı Irannyń ıadrolyq baǵdarlamasynyń beıbit jolmen sheshilýin qoldaıdy - SІM
BEIJІŃ. Naýryzdy 10-y. QazAqparat /Rýslan Súleımenov/ - Qytaı Iran ıadrolyq baǵdarlamasynyń beıbit jolmen sheshilýin qoldaıdy.
Bul týraly seısenbi, naýryzdyń 9-y kúni Beıjińde kezekti baspasóz máslıhatynda Qytaı Halyq Respýblıkasy Syrtqy ister mınıstrliginiń resmı ókili Tsın Gan málim etti.
Qytaı dıplomatynyń aıtýynsha, Beıjiń Irannyń ıadrolyq problemasy boıynsha beıbit kelissóz jáne dıplomatııalyq sharalar júrgizýdi árqashan qoldap keledi. «Qazirgideı jaǵdaıda dıplomatııaǵa, bar taraptyń múddelerin eskere otyryp konsýltatsııalar men dıalogtar júrgizýge múmkindik bar dep esepteımiz. Qytaı múddeli taraptarmen qarym-qatynasty jalǵastyra bermek», dep atap kórsetti Tsın Gann óz sózinde.
Esterińizge sala keteıik, jeksenbi, naýryzdyń 7-si kúni Búkilqytaılyq halyq ókilderi jınalysynyń aıasyndaǵy sessııa aıasyndaǵy baspasóz máslıhatynda Qytaı Syrtqy ister mınıstri ıAn Tszechı, «sanktsııalar - Irannyń ıadrolyq baǵdarlamasyn sheshýge múmkindik beretin jol emes ekenin» málim etken edi. Dıplomat sondaı-aq, «Irannyń ıadrolyq baǵdarlamasynyń sheshimi qıynshylyqtarǵa kezdeskenimen, dıplomatııalyq áleýetterdiń áli túgesilmegenin» aıtty.
