Qytaı Irannyń ıadrolyq baǵdarlamasyn retteý máselelerindegi dıalogqa kómektesedi - QHR SІM
BEIJІŃ. Qazannyń 22-si. QazAqparat /Rýslan Súleımenov/ - Qytaı Irannyń ıadrolyq baǵdarlamasyn retteý máselelerindegi dıalogqa kómektesetin bolady. Bul jóninde beısenbi kúni Beıjińde kezekti brıfıng barysynda Qytaı Halyq Respýblıkasynyń syrtqy ister mınıstrliginiń resmı ókili Ma Chao málimdedi.
Onyń aıtýynsha, Irannyń ıadrolyq baǵdarlamasy boıynsha Venada bolǵan kelissózder barysynda oǵan qatysýshy taraptar (Iran, Reseı, AQSh, Frantsııa) belgili bir jetistikke qol jetkizgen. «Qytaı dıalogqa kómek kórsetýdi jalǵastyrady jáne Irannyń ıadrolyq baǵdarlamasyn retteýde syndarly ról atqaratyn bolady», - dedi ol.
