Qytaı Iranǵa qarsy jańa sanktsııalardy qoldaǵan joq
ASTANA. Qańtardyń 6-sy. QazAqparat - Qytaı Irannyń ıadrolyq baǵdarlamasyna baılanysty oǵan jańa sanktsııalar salý ıdeıasyn qoldamaıdy.
Qytaıdyń BUU janyndaǵy Turaqty ókili Chjan Esýeı osyndaı málimdeme jasady.
Osylaısha, Qytaı tarapy Iranǵa qarsy birqatar jańa sanktsııalar engizý jónindegi AQSh pen birqatar eýropalyq memleketterdiń usynystaryn qoldamady. Qytaı ókiliniń aıtýynsha, bul máseleni sheshý úshin kóbirek ýaqyt jáne sabyr kerek, dep habarlaıdy Associated Press agenttigi.
Qytaı tarapynyń pikirinshe, «qazir Iranǵa qarsy jańa sanktsııalar engizýge laıyqty ýaqyt emes».
Qytaıdyń BUU janyndaǵy Turaqty ókili aǵymdaǵy jyldyń qańtar aıynda BUU-daǵy baıandamalarynda Aýǵanstan, Somalı, Sýdan, Kosovo elderindegi problemalarǵa, Taıaý Shyǵystaǵy jaǵdaıǵa kóbirek nazar aýdarmaq nıette.
