Qytaı ırandyq ıadrolyq másele boıynsha dıalogtyń ilgerileýin qoldaıdy - QHR SІM
BEIJІŃ. 14 qańtar QazAqparat /Rýslan Súleımenov/ - Qytaı «altylyq», Eýropalyq odaq jáne Iran ókilderi arasynda ırandyq ıadrolyq másele jóninde alda ótetin dıalogta ilgerileýshilik baıqalady dep úmittenedi.
Bul týraly Beıjińde ótken kezekti baspasóz máslıhaty barysynda QHR Syrtqy ister mınıstrliginiń resmı ókili Hýn Leı málim etti.
Hýn Leıdiń aıtýynsha, ótken sársenbi kúni QHR Syrtqy ister mınıstrligi basshysynyń orynbasary Chjan Chjıtszıýn Irannyń ulttyq qaýipsizdigi joǵarǵy keńesi hatshysynyń orynbasary Álı Bagırımen kezdesti. Taraptar ortaq múddege ıe qytaı-ıran qarym-qatynasy men ortaq máselelerdi talqyǵa saldy.
«Qytaı tarapy aldaǵy dıalog múddeli taraptarǵa ózara tıimdi shemim qabyldaýǵa kómektesedi dep senedi», - dedi Hýn Leı.
