Qytaı ınvestorlary «AllurGroup» kompanııasyn satyp alady

Búgin QR Premer-Mınıstriniń birinshi orynbasary Asqar Mámınniń qatysýymen SMS Qytaı memlekettik kompanııasy «AllurGroup» qazaqstandyq óndirýshiniń kapıtalyna kirý týraly jáne qarapaıym aktsııalarynyń 51 protsentin satyp alý týraly nobaıly kelisimge qol qoıyldy.

Strategııalyq qujatqa SMS prezıdenti Wang Xusheng men «AllurGroup» aktsıoneri ári dırektorlar keńesiniń múshesi ıÝrıı Tshaı qol qoıdy.

 

Taraptardyń aıtýynsha, kapıtalǵa kirý arqyly jańa formatta strategııalyq yntymaqtastyqty nyǵaıtý josparlanǵan barlyq josparlardy júzege asyrýǵa múmkindik beredi. SMS óndiristik seriktesi atap ótkenindeı, «AllurGroup» kompanııasy ınvestıtsııalar úshin tartymdy kásiporyn bolyp otyr jáne Qazaqstannyń avtokólik ónerkásibin damytýda joǵary áleýetke ıe.

Qazaqstandyq taraptyń sózinshe, bul seriktestik kásiporynnyń jańa damý deńgeıine joǵarylaýyna múmkindik beredi. Qostanaı zaýyty jańa tehnologııalardy engizýge qulyqty.

«Bastapqy kezeńde biz kólik qurastyrý barysynda tek ony jınaýmen aınalysatyn edik, keıin dánekerleý jáne boıaý jumystaryn ózimiz atqaratyn boldyq. Endi kólik shyǵarýda odan da tereń deńgeıge ótýimiz kerek, ıaǵnı kólik bólshekterin ózimiz, óz jerimizde shyǵarýymyz tıis. Munda tehnologııalar boıynsha biraz qıyndyqtar bar. Sondyqtan biz qytaılyq kompanııanyń kómegin surap otyrmyz. Menińshe, osy qurammen biz otandyq kólikterdi eksportqa shyǵarý boıynsha jumysty jedeldete alamyz. Kelesi kezeń - tehnologııalar men qarjy. Osynyń barlyǵy Qytaı tarapynan bolady», - dep atap ótti tilshilerge bergen suhbatynda Tshaı.

Kelisim somasy týraly naqty sheshim men strategııalyq jospar eki aıdan soń anyqtalady. Qytaılyq kompanııa kapıtalǵa jyl sońyna deıin enýi tıis. Osy kezeńniń ózinde qytaılyq ınvestorlar Ortalyq Azııa elderin, Reseı, Belarýs naryqtaryn jaýlap alýdy kózdep otyr.

Tshaıdyń sózinshe, kompanııada jumys isteıtin qyzmetkerlerdiń 90 protsentin qazaqstandyq azamattar quramaq, qytaılyqtar tek top-menedjerlik laýazymdarǵa kelýi múmkin.

 

Tilshilerdiń saýalyna jaýap bergen ıÝrıı Tshaı myrza kompanııada basqa shara qalmaǵanyn jasyrǵan joq.

«Biz «AzııaAvtomen» birge birigý joldaryn izdestirdik, alaıda kelise almadyq. Japondyqtarmen kelissózder júrgizildi, olar bizdiń zaýytta kólik shyǵarýǵa kelisti, alaıda úlestik qatysýdan bas tartty. «Peugeot» kompanııasy da kólik shyǵaryp, naryqta satýǵa kelisti, biraq kapıtalǵa kire almaıtyndyqtaryn aıtty. Shynyn aıtaıyn sizderge, bizdiń qarjylyq jaǵdaı óte nashar, naryqta aqsha joq, satylym 3,5 ese túsip ketti. Sondyqtan biz seriktes izdedik. Qytaılyqtarmen birigý týraly sheshim Úkimetpen kelisilgen», - dep tolyqtyrdy ol.

Tshaı qytaılyq kólikterdiń sapasy álemdik naryqta sonshalyqty baǵalana bermeıtindigimen kelisti. Degenmen QHR jyl saıyn 27 mıllıon kólik shyǵarady.

«Osy baǵytta olar qatty ozyp ketken. Bizdiń ózimiz qymbat emes segmentke, ortasha segmentke ıek artyp otyrmyz. Sondyqtan olardyń tájirıbesin, bilimderin jáne qarjysyn paıdalanýymyz qajet. Eger barlyǵynan bas tartsaq, ondaǵan jyldarǵa artta qalamyz», - dep túıdi sózin Tshaı.