Qytaı ımperatorynyń músini qulap qaldy

ASTANA. QazAqparat - Qytaıdyń Bınchjoý qalasynda Tsın áýletiniń negizin qalaǵan ımperatordyń músini qulap qaldy, dep habarlaıdy VVS.

Imperator Tsın Shı Hýandıdiń bıiktigi 19 metr, salmaǵy alty tonna bolatyn músini qatty soqqan jeldiń ekpinimen etpetinen qulaǵan.

Músindi krannyń kómegimen jyldam kóterip, alyp ketti. Mobıldik telefondar arqyly taraǵan sýretterden músinniń ishi qýys, metall karkasqa qurylǵany kórinedi.

Aıta ketsek, ımperator Shı Hýandı bizdiń zamanymyzǵa deıingi 221-206 jyldar aralyǵynda Qytaıdyn negizgi provıntsııalarynyń barlyǵyn jaýlap alyp, eldi qolastyna biriktirgen.

Shı Hýandıdiń tusynda Uly Qytaı qorǵanynyń qurylysy bastalǵan. Imperator dúnıe salǵannan keıin onyńmen birge 8100 qytaı sarbazynyń terrakota músinderi - «terrakota áskeri» jerlengen.