Qytaı ıeroglıfteriniń tuńǵysh murajaıy ashyldy

dep habarlaıdy QazAqparat Sınhýa agenttigine silteme jasap.

Murajaı Anıan qalasynda (Henan provıntsııasy) ornalasqan. Onda 1899 jyly tuńǵysh tszıagýven - balgerlik úshin paıdalanǵan janýarlardyń súıekterine jáne tasbaqalardyń qabyqtaryna jazylǵan ıeroglıftik jazýlar tabylǵan. Tszıagýven bizdiń jyl sanaýymyzǵa deıingi XIV - XI ǵasyrlarǵa jatady jáne qytaı jazýlarynyń eń kóne úlgilerinen sanalady.

Murajaıda qytaı jazýlarynyń búkil tarıhy júıelenip berilgen. Mysaly, Shan (b.d.d. 1600-1046 jyldar) jáne Chjoý (b.d.d. 1066-256 jyldar) áýletteriniń kezeńderine jatatyn tastaǵy jáne qola ydystardaǵy ıeroglıftik jazýlar, sondaı-aq ejelgi mórler, shaqalar jáne kallıgrafııa týyndylary usynylǵan. Qytaıdaǵy eń kóp taraǵan Han ulystarynyń ıeroglıfterimen qatar, murajaıda QHR ulystary paıdalanyp otyrǵan 40-qa jýyq jazý úlgileri kórsetilgen.

«Jenmın jıbao» basylymynyń habarlaýynsha, murajaıǵa arnalǵan mańdaıshany Qytaı Ortalyq Kompartııasy Ortalyq Komıtetiniń 1989-2002 jyldardaǵy bas hatshysy óz qolymen jazaǵan.