Qytaı hokkeıshi qyzdary Ońtústik Koreıa quramasyn utty
ALMATY. 31 qańtar. QazAqparat /Erbol Turymbetov/ - 7-qysqy Azııa oıyndary aıasynda Almatyda Balýan Sholaq atyndaǵy sport saraıynda ótken Qytaı men Ońtústik Koreıa áıelder quramalarynyń kezdesýi 10:0 esebimen qytaılyqtardyń paıdasyna sheshildi.
Oıynnyń birinshi kezeńindegi jalǵyz shaıbany 16 mınýtta Qytaı hokkeıshileri saldy. Gol ıesi 14 nómirli R. Sýn (R.Sun ).
Ekinshi kezeńde qarqynyn arttyrǵan qytaılyqtar qarsylastar qaqpasyna jaýapsyz 5 shaıba engizdi. Aldymen oıyn bastala 1 mınýt ótpeı jatyp R. Sýn ekinshi shaıbasyn salsa, 3 mınýttan soń úshinshi shaıbanyń ıesi atandy. Taǵy da mınýt ótpesten H. Kı (X.Qi) tórtinshi, 29 mınýtta R. Sýn besinishi jáne 35-mınýtta L. Tań (L. Tang) altynshy shaıbany soqty.
Úshinshi kezeńniń 46-mınýtynda osy oıyndaǵy belsendi oıynshy R. Sýn óziniń besinshi shaıbasyn soǵyp, esepti 7:0 jetkizdi. 5 mınýttan soń Qytaı quramasyndaǵy 10 nómirli B. Jań (B. Zhang) 8 shaıbany, 54 mınýtta H. Fań (X. Fang) toǵyzynshy shaıbany engizdi. Kezdesýdiń sońǵy núktesin 58 mınýtta H. Kı qoıdy. Qorytyndy esep 10:0, Qytaı quramasy basym tústi.
Sonymen qatar, 14 nómirdegi Qytaı hokkeıshisi R. Sýn kezdesýdiń úzdik oıynshysy atandy.
