Qytaı Haınan aralyna jańa atomdyq súńgýir qaıyqtaryn ornatty - japon agenttigi
ASTANA. Qazannyń 20-sy. QazAqparat - Qytaı Haınan aralyndaǵy áskerı-teńiz kúshteriniń bazasyna óziniń jańa atomdyq súńgýir qaıyqtaryn ornatty. Japondyq «Kıodo» aqparat agenttigi Gonkongtaǵy derekkózderden alynýy múmkin sol sýbmarınalardyń fotosýretterin jarııalady, dep habarlaıdy ITAR-TASS agenttigi.
Sýretter qyrkúıektiń 2-sinde túsirilgen. Olarda Sanıa qalasynyń mańyndaǵy ıAlýnvan shyǵanaǵynda aılaqta turǵan eki súńgýir beınelengen. Sarapshylardyń pikirinshe, onyń bireýi «Shan» klasyna jatatyn súńgýir qaıyq ekeni anyq. Ekinshisi de sol sanatqa jatqyzylyp otyrǵanymen, ol sýrette anyq túspegen. Uzyndyǵy 110 metrlik «Shan» atomdyq súńgýir qaıyqtary eskirgen «Han» klasyna jatatyn qaıyqtardy almastyrý úshin jasalǵan. «Shan» súńgýirleri zamanaýı deńgeıde qarýlanǵan jáne qupııalyq deńgeıi joǵary qaıyq.
Sanıa qalasyndaǵy súńgýir qaıyqtar bazasy 2002 jyldan beri salynyp keledi, qazirgi kezde onyń qurylysy aıaqtalyp qalǵan. Batys sarapshylarynyń deregi boıynsha, Qytaıdyń Áskerı-teńiz kúshteri 55 dızeldik sýbmarınaǵa ıe. Oǵan qosa ıadrolyq ballıstıkalyq zymyrandar ushyrýǵa arnalǵan úsh strategııalyq atomdyq súńgýir qaıyǵy, «Han» klasyndaǵy tórt atomdyq sýbmarınasy jáne «Shan» klasyna jatatyn eki jańa qaıyǵy bar.
