Qytaı halyqaralyq áýejaıy ushaqtardy qabyldaýdy toqtatty
ASTANA. QazAqparat - Beıjińdegi halyqaralyq «Astana» áýejaıy keshe keshten bastap Qytaıdyń soltústiginde qardyń qalyń jaýa bastaýynan reısterdi qabyldaýdy toqtatty, dep habarlaıdy Qytaı ortalyq televıdenıesinen.
Áýejaı keminde jergilikti ýaqyt boıynsha dúısenbi kúngi tańǵy saǵat 08.00-ge deıin jabyq bolady. Munda tústen keıingi ýaqyttan beri toqtatylǵan áýe reısteriniń sany myńnan asyp ketti. Saldarynan áýejaıda jolaýshylar kóbeıýde.
Qytaı astanasynda, Hebeı provıntsııasynda, Tıantszın qalasynda jáne ishki Mońǵolııa avtonomııalyq aýdanynda kesheden beri jaýyp turǵan qalyń qar kólik qozǵalysyna kedergi keltirýde. Kóptegen joldar jabylǵan.
