Qytaı Halyq Respýblıkasynyń jańa tóraǵasy saılandy
BEIJІŃ. 14 naýryz. QazAqparat - QKP OK-niń bas hatshysy Sı Tszınpın Qytaı memleketiniń jańa basshysy - QHR-dyń tóraǵasy bolyp saılandy.
Saılaý 12-shi shaqyrylymdaǵy Halyq ókilderiniń búkilqytaılyq jınalysynyń 1-shi sessııasynyń tórtinshi plenarlyq otyrysy barysynda ótti.
QHR tóraǵasy Halyq ókilderiniń búkilqytaılyq jınalysynyń (HÓBKJ, joǵary zańnamalyq organ) turaqty komıtetimen birlesip joǵary memlekettik bılikti júzege asyrady.
QRH tóraǵasy 5 jyldyq merzimge saılanady.
QHR tóraǵasy Sı Tszınpın 1953 jyly Shensı provıntsııasynyń Fýpın ýezinde dúnıege keldi. 2012 jyldyń qarashasynan - QKP bas hytshysy jáne QKP Ortalyq áskerı keńesiniń tóraǵasy.
QKP OK saıası bıýrosynyń múshesi Lı ıÝanchao QHR tóraǵasynyń orynbasary bolyp saılandy. Sı Tszınpın QHR Ortalyq áskerı keńesiniń tóraǵasy bolyp saılandy.
Sessııanyń resmı baǵdarlamasyna sáıkes, Memlekettik keńestiń jańa premerin saılaý 15 naýryzda ótedi. Esterińizge sala keteıik, Qytaıda 12-shi shaqyrylymdaǵy Halyq ókilderiniń búkilqytaılyq jınalysynyń birinshi sessııasy ótýde, ol 17 naýryzda aıaqtalady. Sol kúni qytaılyq parlamenttiń depýtattary eseptik baıandamany bekitedi, jáne birinshi baǵdarlamalyq sózdi memlekettiń jańa basshysy sóılep, Halyq ókilderiniń búkilqytaılyq jınalysy sessııasynyń jumysyn qorytyndylaıdy jáne eldiń jaqyn jyldarǵy damýynyń negizgi baǵyttaryn aıqyndaıdy.
