Qytaı halqy bir jylda jeti mıllıonǵa ósti
ASTANA. QazAqparat - Qytaı halqy 2014 jyldyń aıaǵyndaǵy derekter boıynsha 1 mlrd. 367 mln adamǵa jetti.
Jyl ishinde 7,1 mln. adamǵa ulǵaıǵan, delingen QHR memlekettik statıstıkalyq basqarmasynyń jarııalaǵan habarlamasynda, dep habarlady TASS.
Vedomstvo derekteri boıynsha, ótken jyly elde 16,9 mln. bala dúnıege kelse, 9,8 mln. ólim-jitim tirkelgen.
QHR-da genderlik teńgerimsizdik saqtalǵan, er adamdar áıelderge qaraǵanda, 33,8 mıllıonǵa kóp.
16 jasqa deıingi balalar men jasóspirimder sany QHR halqynyń 17,5 paıyzyn quraıdy. Eńbekke qabiletti jas (16-60) el turǵyndarynyń 67 paıyzyna keledi. 60-tan asqan egde adamdar qytaılyq azamattardyń jalpy sanynyń 15,5 paıyzyn quraıdy.
Qytaı halqynyń jartysynan kóbi (54,8 paıyz) qalalarda tursa, aýyldyq turǵyndar qytaılyqtardyń 45,2 paıyzyn quraıdy.
Qytaı mıgratsııalyq úderisterdiń jıiligi jaǵynan aldyńǵy qatardaǵy elderdiń biri bolyp sanalady. Eldegi kóship-qonýshylar sany 253 mln. asyp jyǵylady.
