Qytaı Gýantanamonyń jeti uıǵyr tutqynyn qabyldaý týraly Shveıtsarııanyń sheshimine narazy

dep málim etti beısenbi kúni Beıjińde Qytaı Syrtqy ister mınıstrliginiń resmı ókili Ma Chjaosıýı.

Qytaı dıplomatynyń aıtýynsha, lańkestik áreketterge qatysy bar degen kúdikpen Gýantanamo túrmesinde otyrǵan shyqqan tegi qytaılyq azamattardy qabyldaý týraly Shveıtsarııanyń sheshimi Qytaı men Shveıtsarııanyń arasyndaǵy araqatynasqa áserin tıgizedi.

«Lańkestikke qatysy bar dep kúdik keltirilgen jeti qytaılyq -«Shyǵys Túrkistannyń ıslamdyq qozǵalysynyń» músheleri bolyp tabylatyn uıǵyr azamattary. Bul uıym BUU-nyń Qaýipsizdik Keńesi jasaǵan lańkestikti qoldaýshy uıymdardyń tizimine kiredi. BUU Qaýipsizdik Keńesiniń 1373-shi qararyna sáıkes barlyq elder, onyń ishinde Shveıtsarııa da lańkestikti qarjylandyrǵan, lańkestik sharalardy josparlaǵan jáne júzege asyrǵan tulǵalarǵa, sondaı-aq lańkesterdi jasyrǵandarǵa pana berýden bas tartýǵa mindetti», dep atap kórsetti Qytaı syrtqy saıasat vedomstvosynyń ókili.