Qytaı Gaza sektoryna arnalǵan gýmanıtarlyq júkke jasalǵan Izraıl shabýylyn aıyptady
BEIJІŃ. Maýsymnyń 1-i. QazAqparat /Rýslan Súleımenov/ - Qytaı Gaza sektoryna gýmanıtarlyq júk apara jatqan túrik kemeleriniń kerýenine shabýyl jasaǵan Izraıldyń áreketin aıyptady. Bul týraly dúısenbi kúni Beıjińde Qytaıdyń Syrtqy ister mınıstrliginiń resmı ókili Ma Chjaosıýı málim etti.
«Qytaı tarabynyń bul oqıǵadan jany túrshigip otyr jáne ol Izraıldyń áreketin aıyptaýda. Qytaı Izraıldy Gaza sektoryndaǵy gýmanıtarlyq ahýaldy jaqsartý maqsatyndaǵy BUU Qaýipsizdik Keńesiniń tıisti qararlaryn is júzinde oryndaýǵa shaqyryp otyr», dedi Qytaı dıplomaty óz málimdemesinde.
