Qytaı ǵaryshkerlerin dámdeýish qosylǵan qurtpen tamaqtandyrmaq
ASTANA. QazAqparat - Beıjiń avıatsııa jáne ǵarysh ýnıversıtetiniń qyzmetkerleri batyl synaq ótkizdi. Olar úsh aı boıy adamdardy túrli dámdeýish qosylǵan qurtpen tamaqtandyrǵan.
Zertteýshiler bul ǵarysh sapary kezinde taptyrmaıtyn taǵam degen tujyrymǵa keldi, dep habarlaıdy South China Morning Post.
Eki áıel men bir er adam 12 apta qurtpen birge germetıkalyq kapsýlamen tamaqtanǵan. Bul eksperımenttiń mindeti aqýyzǵa baı dıetany ǵaryshtyq sapar ýaqytynda paıdalanýǵa bola ma, joq pa ekenin anyqtaý boldy.
«BUU ashyqqan elderde qurttar men jándikterdi paıdalanýdy kópten beri usynýda. Biz bul ıdeıany óz qajetimizge beıimdeýdi baıqap kórgimiz keldi», - dep málimdedi osy synamany uıymdastyrýshylardyń biri.
Alaıda «qurt dıetasynyń» oń nátıjesine qaramastan, olardyń Batystaǵy áriptesteri bul jańalyqty quptaǵan joq. «Bizdiń pikirimizshe, bul aqparatty halyqqa taratý jurtshylyq aldynda ǵaryshkerlerdi kemsitýmen teń ári olardyń ómirlerine qaýipti mıssııasynyń mánin tómendetedi», - dedi eýropalyq ǵalymdar.
Budan buryn BUU ókilderi shegirtke, shybyn-shirkeı men qońyzdar keleshektiń asy dep birneshe ret málimdegen bolatyn.
