Qytaı ǵaryshkerleri el tarıhynda alǵash ret orbıtalyq modýl men «Shenchjoý-9» ǵarysh kemesin qoldan túıistirdi

Osyǵan deıin josparlanǵandaı, ǵarysh keńistiginde sekýndyna 7,8 shaqyrym jyldamdyqpen qozǵalatyn eki nysandy túıistirýdi osyǵan jaýapty Lıý Van júzege asyrdy. Máskeý ýaqytymen saǵat 08.42-de bastalǵan «Shenchjoý-9» jáne «Tıangýn-1»-diń túıisýi tikeleı efır arqyly taratyldy. Pekın ushýdy baqylaý ortalyǵynyń málimeti boıynsha, eki apparattyń túıisý úderisi 45 mınýtqa sozyldy. Bul týraly Reseı jańalyqtar agenttigi habarlaıdy.

Eske sala keteıik, «Shenchjoý-9» orbıtaǵa 16 maýsymnan bastap ornalasty. Ushyrǵannan keıin eki kún ótisimen quramynda alǵash qytaı áıel ǵaryshkeri Lıý ıAn bolǵan  keme ekıpajy «Tıangýn-1»-men túıisý isin oryndap, ǵylymı saraptamalar jasaý maqsatynda ekinshi kemege ótti.

QHR  2020  jylǵa deıin orbıtaǵa ózindik ǵarysh ornatyp, ǵaryshtyq zerthana qurýdy kózdep otyr, dep habarlaıdy Eýrazııa birinshii arnasy.