Qytaı ǵaryshkerleri ashyq ǵaryshqa shyqty

BEIJІŃ. Sınhýa-QazAqparat – Ne Haıshen men Lıý Bomın juma kúni tańerteń «Tıanhe» negizgi modýlinen ashyq ǵaryshqa shyqty, dep habarlaıdy QazAqparat Sınhýa agenttigine silteme jasap.

Bul qytaılyq ǵarysh stansasy ekıpajy músheleriniń kemeden tys jumystardy oryndaý aıasynda ekinshi ret modýlden shyǵýy, dep habarlady Qytaı ǵaryshkerler baǵdarlamasynyń keńsesi.

«Tıanhe» negizgi modýliniń túıindik bóliginiń esigin Ne Haıshen 08:38-de ashty. «Feıtıan» (Ǵaryshqa ushý) skafandryn kıgen ǵaryshkerler mehanıkalyq ıintirekte aıaq bekitkishterdi jáne kemeden tys jumys alańyn ornatty. Vedomstvodan naqtylaǵandaı, ári qaraı olar mehanıkalyq qoldyń kómegimen taǵy bir kemeden tys qurylǵy ornatý boıynsha jumysty jalǵastyrmaq.

Ekıpajdyń úshinshi múshesi Tan Hýnbo áriptesterine kómek kómektesip otyrý úshin «Tıanhe» modýlinde qaldy.

Bortynda úsh ǵaryshkeri bar «Shenchjoý-12» kemesi «Tıanhe» modýlimen 17 maýsym kúni túıisti. Budan erterek, 4 maýsym kúni Lıý Bomın men Tan Hýnbo qytaı ǵarysh stansasyn qurý aıasyndaǵy kemeden tys jumystyń birinshi bóligin sátti aıaqtaǵan bolatyn.