Qytaı ǵaryshqa 14 spýtnık ushyrdy
Quramynda «Tsılý-2» men «Tsılý-3» bar jańa spýtnıkter Soltústik Qytaıdyń Shansı provıntsııasyndaǵy Taııýan ǵarysh aılaǵynan Beıjiń ýaqytymen 11:14-te ushyryldy. Barlyq spýtnık belgilengen orbıtalaryna jiberildi. «Tsılý-2» men «Tsılý-3» degenimiz - múmkindigi joǵary optıkalyq spýtnık jáne ekinshisi Jerdi baqylaýǵa arnalǵan optıkalyq beıneleý qurylǵylary bar keń jolaqty optıkalyq spýtnık. Olar Qytaıdyń shyǵysyndaǵy Shandýn provıntsııasyna jer resýrstaryn, aýyl jáne orman sharýashylyǵyn zertteý, qorshaǵan ortany qorǵaý, sondaı-aq tabıǵat apattarynyń aldyn alý men olardyń saldaryn jeńildetýge qashyqtan zondylaý qyzmetin usynady. Aıtyp ótken spýtnıkter orbıtadaǵy «Tsılý-1», spýtnıgimen birlese jumys isteıdi. «Chanchjen» serııaly zymyran-tasyǵyshtar 462-shi ret ushyrylyp jatyr.
«Chanchjen-2D» zymyran-tasyǵyshyn Qytaı aeroǵarysh ǵylymy jáne tehnologııasy korporatsııasy janyndaǵy Shanhaı ǵarysh tehnologııalary akademııasy jasap shyǵardy. Bul zymyran-tasyǵysh senimdi ári beıimdelgish jáne zymyran-tasyǵyshtyń bortynda serııalyq nemese parallel ornalasqanda bir spýtnıkti de, spýtnıkter serııasyn da ushyrý talaptaryna jaýap beredi. Osy maqsatta «Chanchjen-2D» zymyran-tasyǵyshynyń kómegimen ǵaryshqa 7 túrli jasaýshydan shyqqan 14 spýtnık ushyryldy. Buǵan deıin Qytaı 2023 jyly ǵaryshqa 60-tan astam ushyrylym jasap, ulttyq ǵarysh tarıhyndaǵy rekordty jańartatynyn málimdegen bolatyn.
Eske salsaq, Qytaı 2023 jyly ǵaryshqa 60-tan astam keme ushyrady.
Foto: China National Space Administration
