Qytaı ǵalymdary orazanyń densaýlyqqa paıdaly ekenin dáleldedi
ASTANA. 18 shilde. QazAqparat - Adamnyń táni men janyna orazanyń tıgizer paıdasy jaıly kóp aıtylyp júr. Bul taqyryp, ásirese, qasıetti Ramazan aıynda jıi qozǵalady. Qytaı ǵalymdary ashyǵýdyń adam ish qurylysynyń jumysyn jaqsartatynyna ári adam ómirin uzartatynyna kóz jetikizip otyr.
Shanhaı kólik ýnıversıtetiniń zertteýshileri uzaq jyldar boıy tyshqanǵa júrgizgen tájirıbeden keıin osyndaı tujyrymǵa keldi.
Tájirıbe júrgizilgen kezde kemirgishterdi eki topqa bólgen. Onyń bir tobyn uzaq ýaqyt ash qaldyryp, kelesi tobyn ýaqytyly tamaqtandyrǵan kórinedi.
muslim.kz saıtynyń jazýynsha, bıologtar ashyqqan tyshqandardyń ish qurylysyndaǵy mıkrofloranyń kóptegen aıyrmashylyǵyn baıqaǵan. Olardyń boıynan laktokokko jáne desýlfovıbrıon dep atalatyn asa qaýipti mıkrobtar asa kóp baıqala qoımaǵan. Esesine, aǵzaǵa paıdaly bıfıdobakterııa jáne laktobatsıll atty mıkrobtar kóbeıgen.
Sondaı-aq, ǵalymdar ashyqqan tyshqandardyń 20 paıyzynyń ózge kemirgishterge qaraǵanda uzaq ómir súrgenin anyqtady.
Bıologtar bul ǵajaıyp qubylysty bakterııa quramyndaǵy ózgeristerdiń zat almasý protsesin ári ımmýndyq júıeni jaqsartatyndyǵymen túsindirgen.
