Qytaı ǵalymdary koronavırýstyń jańa shtamyn anyqtady
Qytaı ǵalymdary Ońtústik Afrıkada ótkizilgen zertteýlerdiń nátıjelerin jarııalady. Oǵan sáıkes koronavırýstyń jańa – NeoCoV túri anyqtaldy. Ýhan ýnıversıtetiniń zertteýshileri Ońtústik Afrıka Respýblıkasyndaǵy jarqanattardan vırýstyń jańa túrin tapqan. Bul MERS-CoV-tiń eń jaqyn «týysy», SARS-CoV-2-men jasýshalarǵa ený prıntsıpteri uqsas jáne adamdarǵa qaýip tóndirýi múmkin. Vırýs janýarlar arasynda taralady, adam denesimen ózara árekettesý úshin oǵan belgili bir mýtatsııa qajet.
«Onyń qabyǵynyń negizgi bóliginde bir ǵana mýtatsııanyń paıda bolýy vırýstyń adam jasýshalaryna belsendi enýine múmkindik beredi jáne oǵan MERS-CoV jáne SARS-CoV-2 antıdeneleri áser etpeıtin bolady», – delingen habarlamada.
Bıologtar atap ótkendeı, bolashaqta sarapshylar osy vırýstyń paıda bolý nusqasyn, adamǵa áseri men taralýyn muqııat tekserýi kerek.
Ýkraınada pandemııa kezindegi antırekord tirkeldi. Elde táýligine 30 myńnan astam adamnan koronavırýs anyqtaldy. Eldiń densaýlyq saqtaý mınıstrliginiń habarlaýynsha, 32 393 ýkraınalyq vırýs juqtyrǵan. Aýrýhanalarǵa 3 016 adam tústi. Koronavırýstyń 154 jaǵdaıy ólimge alyp keldi. Infektsııanyń «omıkron» shtamymen syrqattanýdyń alǵashqy jaǵdaıy 18 jeltoqsanda tirkeldi jáne sol kezden bastap ınfektsııa statıstıkasynyń kúrt ósýi bastaldy. Sarapshylar indettiń jappaı taralýyn vaktsınatsııanyń tómen qarqynymen baılanystyrady. Qazirgi ýaqytta 41 208 000 adamnyń tek 15 250 200-i nemese 37% ǵana ekpe aldy. Tolyq egilgender sany – 14 546 590.
