Qytaı ǵalymdary ejelgi zamanǵy alyp adamdardyń qańqalaryn tapty
ASTANA. QazAqparat - Qytaılyq arheologtarǵa Tszınan qalasyna jaqyn mańdaǵy qazba jumystary kezinde boılary asa bıik ári dene bitimi erekshe adamdardyń qańqalaryn tabýdyń sáti tústi, dep habarlaıdy China Daily.
Ǵalymdar osydan bes myń jyl burynǵy qorymnyń tap ústinen túsken.
Zertteýshilerdiń pikirinshe, ol kezde qazirgi qytaılyq Shandýn provıntsııasynyń aýmaǵynda alyptar dep ataýǵa bolatyn adamdar tirshilik etken. Olardyń boılary 180 santımetrden kem emes, al bireýiniń boıy tipti 190 santımetrden de uzyn bolǵan.
Ǵalymdar ózderiniń tapqan qundy oljalaryn Lýnshan mádenıetine jatqyzady. Olar b. e. d. ІІ myńjyldyqta Hýanhe ózeni basseıninde ómir súrgen. Sol kezeńdegi jandardyń jer óńdegendigi, tamaqtyń túr-túrin paıdalanǵandyǵy búginde belgili bolyp otyr. Múmkin bul olardyń dene bitiminiń tym iri bolýyna áser etken de shyǵar, dep esepteıdi Shandýn ýnıversıtetiniń ókilderi.
