Qytaı elshisi týystarymen qaýyshý týraly qazaqstandyqtardyń ótinishine jaýap berdi

NUR-SULTAN. QazAqparat - Qazaqstan Syrtqy ister mınıstriniń birinshi orynbasary Shahrat Nuryshev Qytaı Halyq Respýblıkasynyń Elshisi Chjan Sıaomen kezdesýinde qos el qatynastarynyń ózekti máselelerin talqylady, dep habarlaıdy QazAqparat.

QR SІM-nen málim etkendeı, kezdesý barysynda mańyzdy taqyryptar kóterildi. Atap aıtqanda, QHR-da turatyn týystarymen qaıta qosylýlaryna járdemdesý týraly Qazaqstan azamattarynyń ótinishteri talqylandy.

«Elshi Chjan Sıao ótinish bildirgenderdiń týystary QHR azamattary ekenin jáne el zańnamasyn buzýyna oraı jazalaryn ótep jatqanyn habarlady.

Kezdesý qorytyndysy boıynsha taraptar halyqaralyq quqyq qaǵıdattaryna sáıkes konsýldyq qyzmetter jelisi boıynsha birlesken jumysty jalǵastyrýǵa kelisti», - dedi QR Syrtqy ister mınıstrliginen.